Sot në Komisionin e Sigurisë është diskutuar projektligji “Për ratifikimin e marrëveshjes, ndërmjet Republikës së Shqipërisë dhe Mbretërisë së Spanjës si shtesë e Konventës Evropiane për Ekstradimin të vitit 1957”, i cili ka hapur mjaft debate mes opozitës dhe mazhorancës.
Nën-kryetari i Partisë Demokratike, Enkelejd Alibeaj ka kritikuar qeverinë shqiptare për sjelljet e saj në marrëdhëniet ndërkombëtare. Sipas tij duhej që në këmbim të kësaj marrëveshje, qeveria shqiptare të kërkonte nga Spanja njohjen e Kosovës, pasi e ka detyrim moral.
“A nuk ishte detyrim moral, i shtetit shqiptar, teksa i bënte ketë favor Spanjës, t’i kërkonte njohjen e pavarësisë së Kosovës. Kështu negociohet në marrëdhëniet ndërkombëtare. Po ne pranojmë këtë pjesë por kemi detyrimin moral të kërkojmë njohjen e Kosovës”, tha ai. Ndërsa anëtarët e mazhorancës thanë se qeveria nuk duhej të përfshinte në një marrëveshje dy çështje të ndryshme.
Discussion about this post