Ministri i Brendshëm Taulant Balla ka folur lidhur me operacionet e fundit të Policisë së Shtetit, mes të cilëve është dhe operacioni ku u arrestua një nga ish-drejtuesit e lartë të Policisë, Erzen Breçani.
Balla tha në emisionin “Opinion” se operacioni nuk është dekonspiruar dhe personat që kanë qenë në Shqipëri janë arrestuar.
“Të gjithë personat që ishin në Shqipëri prej kohësh, janë arrestuar. Personat që nuk janë arrestuar, janë persona që ndodheshin jashtë Shqipërisë prej kohësh. Nuk ka patur asnjë lloj dekonspirimi të operacionit”,-tha Ball.
Ministri tregoi dhe numrin e personave që janë shpallur në kërkim në Tiranë.
“Ne në Tiranë kemi në kërkim 1 mijë persona, që kanë kryer krime ndër vite. Për këtë arsye është ideuar operacioni “Forca e Ligjit”. Pjesa e tyre më e madhe nuk janë në Shqipëri. Një numër i caktuar gjendet në Dubai dhe disa të tjerë në vende të ndryshme në Europës”, tha Balla.
Balla pohoi se shumë persona të shpallur në kërkim nga drejtësia Shqiptare jetojnë në Dubai.
Në këtë kuadër ai paralajmëroi një marrëveshje të mundshme me Dubain për depërtimin e personave me rekorde kriminale në Shqipëri.
“Kemi gjetur qasjen edhe ndaj vendeve që nuk kemi një marrëveshje ekstradimi. Përsa i përketë Dubait është një sfidë, në kuptimin e pandëshkueshmërisë. Ka patur një bisedë në Tiranë dhe Lion me sekretarin e përgjithshëm të INTERPOL. Brenda muajit janar do të takohemi me autoritete më të larta të Emirateve të Bashkuara për këtë çështje. Po diskutojmë për një rast të veçantë për të depërtuar këta persona”, u shpreh Balla.
Discussion about this post