Gjykata e Tiranës pritet të vendosë më 19 shtator lidhur me ekstradimin ose jo të Dritan Goxhaj, ish-ushtar i UÇK-së, i ndaluar nga Policia e Shtetit, pas një kërkese për ekstradimin e tij.
Avokati i Goxhajt, Ardian Vishaj, tha se Dritani kërkohet që të ekstradohet drejt Holandës e jo drejt Kosovës.
“Një raport ekstradues ka një parim të shenjtë në ndërtimin e tij. Shqipëria nuk shtetas të saj në territorin e Holandës.
Dhe për këtë duhet të refuzohej ekstradimi, pasi nuk kërkohet ekstradimi i Goxhajt në Kosovë, por në Shqipëri.
Vepra që i adresohet Dritanit është e papërcaktuar se përse është penale, pse përbën fakt penal një status në rrjetet sociale.
Gjykata e Hagës ka një juridiksion të kufizuar pra vetëm për vepra penale të caktuara dhe vetëm në një kohë të caktuar, tha avokati.
Sipas raportimeve, Goxhaj është arrestuar me dyshimin se ka publikuar emrat e disa dëshmitarëve për disa procese të krimeve të luftës.
Megjithatë, kjo është krejtësisht e pakonfirmuar.
Dritan Goxhaj i është bashkuar UÇK-së si oficer i Ushtrisë Shqiptare në shkollën e aviacionit.
Goxhaj ka pasur autorizimin e Shtabit të Përgjithshëm që të mbante kontakte me komandën e forcave amerikane në Shqipëri.
Kohë më parë, Goxhaj e kishte përmendur këshilltaren e ministres Albulena Haxhiu, si një dëshmitare të mundshme në procesin ndaj Salih Mustafës.
“Dëshmitari i tretë, edhe ky i mbrojtur dhe i fshehur, quhet Nazlie Balaj”, pretendon ish-oficeri i UÇK-së, në shkrimin e publikuar në KosovaPress, më 2 janar të këtij viti.
Discussion about this post