Këshilli i Ministrave në mbledhjen e ditës së sotme ka miratuar marrëveshjen mes he Mbretërisë së Spanjës, si shtesë e Konventës Evropiane për Ekstradimin të vitit 1957.
Nëpërmjet kësaj marrëveshje të re që është nënshkruar me Spanjën, eliminohet një pengesë ligjore që ekziston në bashkëpunimin ndërmjet të dy vendeve dhe që ka të bëjë me rezervën ligjore, me të cilën Shqipëria ka ratifikuar Konventën Europiane mbi Ekstradimin për moslejimin e shtetasve shqiptarë drejt Spanjës dhe anasjelltas.
Autoritetet gjyqësore do të lejojnë ekstradimin reciprok të shtetasve shqiptarë në drejtim të Spanjës dhe anasjelltas.
Kjo marrëveshje ka për qëllim të forcojë bashkëpunimin ndërmjet autoriteteve gjyqësore të të dy vendeve dhe të përmirësojë institutin e ekstradimit të shtetasve të të dy vendeve.
Discussion about this post