Leonard Duka, një ndër autorët e përfshirë në vrasjen e ish-policit Santiago Malko në gusht të vitit 2019, pritet të ekstradohet këtë të premte nga Belgjika në Shqipëri.
37-vjeçari, i shumëkërkuar ndërkombëtarësh, për krime kundër personit dhe për armëmbajtës pa leje, u arrestua në Belgjikë në Shkurt 2023, teksa fshihej në një banesë private në një provincë të Brukselit, vendndodhja e të cilit u zbulua nga Fast Albania, që informuan më pas Fast Belgjikën.
Leonard Duka ishte shpallur në kërkim ndërkombëtar, pasi GJKKO i ka caktuar masën e sigurisë “Arrest në burg”, për kryerjen e veprave penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe municionit luftarak”, të kryera në formën e grupit të strukturuar kriminal. Leonard Duka akuzohet se është një nga autorët e vrasjes së Santiago Malkos, të ndodhur në gusht të viti 2019, në rrugën “Xhanfize Keko”, Tiranë.
Leonard Duka njihet si një kundërshtar i betuar i Ervis Martinajt, megjithëse më parë kishin qenë miq dhe ortakë në biznesin e lojërave të fatit, më pas patën përplasje të ashpra pikërisht.
Sicc zbuloi dhe dosja hetimore e “7 bandave”, konflikti ndërmjet tyre ka nisur për shkak të një debati që Leonard Duka kishte me shtetasin e vrarë me datë 27.08.2019 Santiago Malko, i cili referuar të dhënave të përftuara ka dhunuar babain e Leonardit, Muhamed Duka.
Pas vrasjes së Santiago Malkos, Ervis Martinaj bën përgjegjës për këtë vrasje Leonard Dukën dhe lidhjet e tij, ku del në pah angazhimi i tij për të vrarë shtetasit Leonard Duka dhe lidhjet e tij.
Të njëjtën gjë bën dhe Leonard Duka.
Lexo edhe:
Me dylbi te ferrat në Surrel dhe ‘gjuetia’ në Jug/ Si vëzhgohej Martinaj nga grupi Duka
Discussion about this post