Një shqiptar, 38 vjeç, i arrestuar për trafik droge në Belgjikë u ekstradua drejt Greqisë, pasi ishte shpallur në kërkim ndërkombëtar nga autoritetet greke.
Ai është arrestuar gjatë marsit në aeroportin e Brukselit, teksa po përgatitej të udhëtonte drejt Shqipërisë me dokumente të falsifikuara.
38-vjeçari jetonte në Rio, Greqi dhe konsiderohet nga ELAS si “koka” e një organizate në tregtinë dhe trafikun e drogës në Patra dhe Egialia.
Gjatë operacionit policor në fillim të dhjetorit 2022, u arrestuan katër anëtarë të organizatës kriminale, mes të cilëve edhe krahu i “djathtë” i 38-vjeçarit, ndërsa ky I fundit kishte arritur të arratisej.
Në operacionin e dhjetorit të vitit të kaluar u gjetën dhe sekuestruan mbi 12 kilogramë kanabis, 483 gramë kokainë, 43 gramë heroinë, me një vlerë totale prej 224 mijë eurosh, të groposura në zona pyjore, në Patra dhe Egialia.
Discussion about this post