Sikurse paralajmëroi më herët, kryeministri Edi Rama po shfrytëzon protestën e ditës së djeshme të Sali Berishës dhe tensionet e krijuara në PD për të nisur një bashkëbisedim me demokratët.
Në një komunikim online nga Kryeministria, Rama e konsideroi si ngjarje të rëndë degradimin e protestës në dhunë, ndërsa tha se për lajmin në fjalë është pyetur edhe nga zyrtarë të huaj.
“Ndodhia e djeshme ishte e rëndë për të gjithë shqiptarët, 3 a 4 miq të huaj më kanë marrë të më pyesin a është e vërtetë, sepse lajmi mori dhenë. Faktikisht një lajm absurd, krejt befauses, i rëndë dhe qesharak, ku në një vend demokratik sulmohet selia e opozitës nga vetë njerëzit e saj. Është diçka ekstreme, shkon përtej çdo logjike dhe shumëkush mund të mendojë se për mua është e mirëseardhur, në asketin e përfitimit politik. Një zhvillim i kësaj natyre që patjetër e dobëson kundërshtarin politik, në fakt godet vendin”, tha Rama.
Ndërkohë një ditë më parë kryeministri i quajti Bashën dhe Berishën kufoma politike, pasi të dy akuzojnë njëri-tjetrin se po bashkëpunojnë me Ramën për të shkatërruar PD-në.
Discussion about this post