Zëvendëskryeministri i Malit të Zi, Dritan Abazoviç, tha të hënën se porti i Tivarit po bëhej një destinacion “më pak i sigurt” për kontrabandën, por gjërat duhet të përmirësohen ende në drejtim të kontrollit të kapjes së konteinerëve. Pas një seance parlamentare për sekuestrimin e fundit të 500 kilogramëve kokainë në Bar, Abazoviç tha se kontrollet në port po ndryshonin, por që ende duhet të ketë shtim masash për kontrolle.
“Kontejnerët tani po kalojnë nëpër skanerë, por ne ende duhet t’i përmirësojmë gjërat,”- tha Abazoviç për mediat.
Më 13 janar, policia sekuestroi 500 kg kokainë në kryeqytet, Podgoricë, pasi punëtorët e një magazine gjetën pakot e fshehura në një ngarkesë banane. Më 14 janar, prokurori special i shtetit Milivoje Katniç tha se kokaina ishte gjetur në Tivar, por Policia e kishin lënë të largohej, me shpresën se do të zbulonin destinacionin final. Vetëm një person, Dj.D. nga Mali i Zi, është arrestuar dhe ndaluar.
Kreu i Këshillit të Mbrojtjes dhe Sigurisë së Parlamentit, Milan Knezevic, nga ana e tij akuzoi Katniç për rezultate të dobëta në hetimet ndaj trafikut të drogës.
“Situata e sigurisë në vend është dramatike, pasi autoritetet nuk po përgjigjen në mënyrën e duhur. Është e pashpjegueshme që të zbatohen standarde të dyfishta në hetimet për trafikun e drogës,” tha Knezeviç ditën e sotme.
Mali i Zi ka sekuestruar tre ngarkesa të mëdha kokaine të fshehura në ngarkesat e bananeve në tetë vitet e fundit. Më e madhja ishte më 27 gusht 2021, kur policia sekuestroi 1400 kg kokainë në fshatin Mojanovici në rrethin e Zetës, afër Podgoricës, ku u gjet drogë, dhe sërish në një ngarkesë me banane. Prokuroria ngriti akuza për trafik droge ndaj Budimir Krstoviç dhe vajzës së tij, Marina, pronarë të kompanisë që importonte bananet. Në qershor të vitit 2014, dogana në Tivar sekuestroi 250 kg kokainë të që po trafikohej brenda një ngarkese me banane, në atë që u cilësua në atë kohë si transporti më i madh i drogës në vend.
Autoritetet pretenduan se kokaina kapte vlerën e rreth 12.5 milionë euro, ndërsa destinacioni ishte Shqipëria. Mali i Zi ka qenë skena e një lufte të përgjakshme gjashtëvjeçare për trafikimin e drogës midis dy bandave rivale, bandës së Kavaçit dhe bandës së Skaljarit nga qyteti i Kotorrit. Të paktën 40 persona në Mal të Zi, Serbi, Austri dhe Greqi u vranë gjatë konfliktit të këtyre bandave. Konflikti midis bandave nisi në vitin 2015, kur 300 kilogramë kokainë u zhdukën nga një apartament në Valencia të Spanjës në vitin 2014.
Burimi: balkaninsight
Discussion about this post