Në mediat turke dominon lajmi për arrestimin e dhjetë turqve, anëtarë të bandës kriminale “Daltons” të Baris Boyun – mafiozit turk që dyshohet se ndodhet në Itali – dhe që dyshohet se po përgatisnin hakmarrje për vrasjen e gjashtë bashkatdhetarëve të tyre në Lutsa, para pak ditësh.
Arrestimet u kryen gjatë bastisjeve të policisë në shtëpi në Stamboll dhe Izmir, ndërsa në mesin e të dyshuarve të arrestuar janë dy gra.
“Ekzekutimi i 6 turqve në makinë në Athinë. Operacioni kundër organizatës kriminale të Baris Boyoun. 10 arrestime”, titullohet një botim i gazetës Sabah, i cili i referohet operacionit të Divizionit të Krimit të Organizuar të Departamentit të Policisë së Stambollit, i cili parandaloi një akt hakmarrjeje në tokën turke.
“Gjashtë turq u vranë në një përleshje bandash pranë Athinës, kryeqytetit të Greqisë. U konstatua se të vdekurit ishin anëtarë të organizatës kriminale të Baris Boyoun. Pas ngjarjes, organizata kriminale po përgatiste një aksion në Stamboll si hakmarrje”, raporton TV 24.
“Operacioni “hakmarrja” për ekzekutimin e 6 turqve. Bastisja kundër organizatës kriminale Baris Boyoun: 10 persona të arrestuar” është titulli i një botimi në gazetën ‘Milliyet’.
‘6 nga njerëzit e Baris Boyoun u ekzekutuan në Greqi. Banda u zotua për hakmarrje. Por 10 anëtarë të organizatës kriminale u arrestuan gjatë operacioneve në Stamboll dhe Izmir”, raporton gazeta Takvim .
“Ekipet e Divizionit të Krimit të Organizuar të Drejtorisë së Policisë së Stambollit kanë nisur punën për identifikimin dhe deshifrimin e organizatave kriminale që veprojnë në qytet. Nga hetimet u bë e qartë gjithashtu se 6 turqit që u vranë në periferi të Artemis në Athinë më 11 shtator, ishin anëtarë të organizatës kriminale të Baris Boyoun.
Discussion about this post