Gjykata e Apelit në Gjirokastër ka dhënë vendimin ndaj të akuzuarve Et’hem dhe Dino Muho te cilët u shpallen sot përfundimisht fajtor për vrasjen e Alket Muhos ne 6 shtator te 2018 në fshatin Rabije Bashkia Memaliaj.
Seanca e sotme gjyqësore ka filluar me tensione pasi familjaret e dy të akuzuarve kanë kërkuar rënien e akuzave për vrasje nga ana e prokurorit të çështjes Julijan Çafka i cili ishte ai që apeloi vendimin e datës 26 tetor të 2021 të dhënë nga shkalla e parë e gjyqësorit në Gjirokastër.
Ky vendim i dhënë nuk përcaktonte armën e vrasjes se kryer ndërkohë që dënonte me 20 vjet burg Et’hem Muhon dhe me 17 vjet burg Dino Muhon.
Gjyqtari i Gjykatës se Apelit Gjirokastër Sokol Pina me gjyqtaren tjetër ndihmese Margarita Buhali mbi bazën e ankimit te prokurorit të çështjes Julijan Çafka ndryshoi vendimin e dhënë nga Gjykata e Faktit ne Gjirokastër dhe vendosi për masën e dënimit ku Dino Muho u deklarua fajtor edhe për armëmbajtje pa leje ndërkohë qe në shkallen e parë arma nuk doli në vendim.
Në bashkim të dënimeve Dino Muho u dënua nga 17 që ishte dënuar nga Gjykata e Faktit me 19 vjet burg.
Ndërsa i ati i tij Et’hem Muho nga 19 vjet të dhënë nga Gjykata e Faktit ne 22 vite burg. Ky vendim u ekzekutua ne sallën e gjyqit menjëherë duke thirrur policinë e cila u vendosi prangat dy të dënuarve për vrasje me paramendim.
Discussion about this post