Tre ditë më parë biznesmeni Ardian Nikulaj u vra në lokalin e tij. BW mëson se policia ka nisur një aksion të gjerë në mbarë vendin, për të zbuluar më tepër rreth autorit/autorëve të ngjarjes së rëndë. Bëhet me dije se mjete luksoze janë nën vëzhgim dhe po kontrollohen nga autoritetet.
Ardian Nikulaj, 51 vjeç u qëllua për vdekje me armë zjarri mesditën e së mërkurës në Shëngjin. Nikulaj është qëlluar me 7 plumba në kokë dhe në trup.
Biznesmeni lezhjan njihej në zonë si person me reputacion dhe kishte ndikim të fortë politik, ndërsa në këto zgjedhje kandidonte për këshillin bashkiak dhe ishte kryetar i PD në Lezhë.
Ardian Nikulaj ndodhej në biznesin e tij, në resortin “Coral Shëngjin” kur një person i maskuar e ka qëlluar me armë dhe është larguar. Plumbat kanë qenë fatal dhe 51 vjeçari nuk ka mundur të mbijetojë.
Viktima rezulton i arrestuar më herët për armëmbajtje pa leje dhe kontrabandë e falsifikim. Konkretisht në vitin 2003 ai është dënuar me katër muaj burg për armëmbajtje pa leje, kurse në vitin 2006 ka marrë gjobë për kontrabandë dhe falsifikim dokumentesh. Pista kryesore e hetimeve është ajo e hakmarrjes.
Discussion about this post