Hetimeve për ekzekutimin e dyfishtë në Tiranë të Armando Dumanit dhe Erigers Mihasit, u është shtuar një tjetër person. Bëhet fjalë pikërisht për të dashurën e Erigers Mihasit 20- vjeç nga Lushnja, e cila ngre dyshime së ka bashkëpunuar me autorët e krimit, duke i treguar lëvizjet e tij të fundit.
Bella ka treguar para uniformave blu se kishte vetëm 5 ditë që ishte njohur me Erigers Mihasin nëpërmjet aplikacioneve sociale, para se Mihasi të largohej nga Shqipëria në drejtim të Parisit në Francë, e më pas në Gjermani.
Ajo ka treguar se mbrëmjen kur ka ndodhur ekzekutimi do takohej me 32-vjecarin. Ndaj dyshohet se vajza është përdorur nga autorët dhe ka bashkëpunuar me ta për t’i marrë informacion rreth vendndodhjes së Mihasit. Informacione që dyshohet se më pas dyshohet i janë kaluar anëtarëve të grupit.
Sipas burimeve, “Bella” u ka treguar policisë se kishte zbritur nga makina pasi do takonte shoqet e saj në zonën e “Komunës e Parisit” dhe me to do pinte kafe. Por para kafes kishte rënë dakord me Mihasin që ai të bënte pak xhiro në Tiranë, dhe më pas të vinte ta merrte sërish me makinë, për të ikur së bashku diku tjetër pasi ajo të mbaronte kafen me shokët.
Por pasi ka lënë vajzën tek Komuna e Paristi, Mihasi është larguar së bashku me Armando Dumanin në drejtim të Politeknikut, ku aty ishte ndaluar për pak çaste nga një patrullë. Pasi është lënë i lirë që të largohej, të dy kanë shkuar sërish tek lokali me qëllim për të marrë “Bellën”, por ajo i ka shkruar në telefon se do qëndronte dhe pak me shoqet dhe më pas do vinte tek ai. Në këtë moment, Mihasi, i ka dërguar në emoji një trëndafil dhe është nisur për tek zona e Astirit, aty ku edhe është qëlluar me breshëri plumbash, që i kanë marrë edhe jetën.
Mihasi dyshohej edhe si person që kishte lidhje me bazën e armatimit në Yrshek të zbuluar pak kohë më parë, por që u shpëtua pasi fajin për këtë bazë e mori Gëzim Haroku.
Discussion about this post