Automjeti djegur i autorëve që kryen vrasjen e ish-policit Xhelal Reçi në Laç, ka ngritur një tjetër dyshim.
Më herët gijotina.com raportoi se mjeti tip “Toyota Yaris” që u përdor për krimin dhe më pas u shkrumbua në Milot, ishte vjedhur në Fier.
Për këtë arsye, hetuesit dyshojnë se autorët që referuar dinamikës së ngjarjes, konsiderohen si vrasës me pagesë, janë me origjinë nga Fieri.
Sakaq policia ka marrë në pyetje edhe djalin e viktimës, Besnik Reçin , i cili gjithashtu dyshon se kemi të bëjmë me vrasës me pagesë. Por ende nuk është bërë publike deklarata e tij, për të mos cenuar hetimet.
Theksojmë se kanë kaluar vetëm pak ditë nga atentati, ndërsa policia nuk ka asnjë gjurmë të autorëve. Duket se këta të fundit janë treguar profesionistë në zhdukjen e çdo prove që do të çojë në identifikimin dhe më pas kapjen e tyre.
Tre janë arsyet që vërtetojnë se kemi të bëjmë më nje atentat mafioz:
- Asnjë gëzhojë arme nuk u gjend në vendin e krimit.
- Djegia e mjetit dhe mosgjetja e asnjë prove brenda saj.
- Asnjë gjurmë nga arma e krimit.
Pista kryesore është ajo e vrasjes për shkak të llogarive dhe konflikteve me grupe kriminale të djalit të viktimës Besnik Reçi, të cilit në Gusht të vitit të kaluar iu bë atentat por i shpëtoi pasi u largua me shpejtësi duke u shpëtuar plumbave.
Discussion about this post