Policia greke dyshon se ekzekutorët e mafiozit Vangelis Zabounis në Neos Kosmos mund të jenë vrasës të importuar nga një vend i ish-Bashkimit Sovjetik.
Policët po monitorojnë vazhdimisht videot e ekzekutimit të 44-vjeçarit Vangelis Zabounis, jashtë pikës së tij të karburantit në kryqëzimin e rrugëve Frantzi dhe Ilias Iliou në Neos Kosmos, në mënyrë që të zbërthehet ngjarja dhe të arrihet te porositësit.
Sipas raportimit të SKAI, një nga vrasësit e punësuar duket të jetë shumë mirë i trajnuar në përdorimin e të dyja duarve. Me njërën dorë mban dhe qëllon me kallashnikov dhe me dorën tjetër qëllon me pistoletë.
Dyshimet janë se ky vrasës mund të jetë trajnuar nga forcat e sigurimit të një prej vendeve të ish Bashkimi Sovjetik. Kjo është arsyeja pse policia dyshon se ka një lidhje mes vrasjes së Vangelis Zabounis me një rast vrasjeje në Korydallos.
Megjithatë, ELAS po përpiqet të nxjerrë informacione nga qelitë e burgut me qëllim që të sigurojë prova mbi urdhëruesit e vrasjes.
“Disa njerëz e dinë me siguri,” tha një i burgosur për STAR TV për vrasjen e e 44-vjeçarit.
Autoritetet janë në kërkim të njohjeve të vjetra të viktimës si dhe të njerëzve që ishin të afërt me kriminelët. Në këtë mënyrë ata besojnë se do të gjejnë fundin e “fijes” dhe do t’u afrohen vrasësve.
“Në këto lloj kontratash vdekjeje, askush nuk e ha kokën këtu sepse të gjithë, le të themi, janë të varur diku,” shton i burgosuri.
Siç shpjegon shefi i Bashkimit të Oficerëve të Policisë së Atikës Juglindore, të burgosurit dinë si për njerëzit, ashtu edhe për situatat në lidhje me krimin e organizuar: “Në burgje ka njerëz që janë të përfshirë në krimin e organizuar dhe është e sigurt se ata dinë për njerëzit dhe gjërat.”
Armiku i panjohur i Zabonisit nga Evropa Lindore
Sipas STAR, hetimi po përqëndrohet gjithashtu në tregun e paligjshëm ku 44 vjeçari, një shtetas i Evropës Lindore, kishte krijuar një armik.
“Theshethemet” në lokalet e natës janë intensive në lidhje me mosbindjen e viktimës ndaj paralajmërimeve të personit të fuqishëm.
Në të njëjtën kohë, siç zbulohet nga MEGA, ka informacione përmes SMS-ve që në fillim të qershorit 2023, Policia greke ishte në dijeni për dy kontrata vdekjeje në krimin e organizuar.
Më saktë, ajo ka të bëjë me kontratat e vdekjes në Korydallos dhe Neos Kosmos, ku Vangelis Zabounis u vra.
Sipas të njëjtave informacione, Policia e dinte se kush do të ishin viktimat e kontratave të vdekjes, nxitësit fizikë dhe moralë të sulmeve vrasëse dhe arsyeja prapa tyre.
Discussion about this post