Martin Bardhi u ekzekutua me breshëri automatike teksa ndodhej në një lokal në qendër të qytetit të Rrëshenit.
Ngjarja ka ndodhur shumë pra godinës së spitalit dhe komisiariatit të Policisë, ndërsa dyshimet e para janë se vrasja ka ndodhur për hakmarrje.
“Rreth orës 10:40, në Rrëshen, nga shtetas ende të paidentifikuar, është vrarë me armë zjarri shtetasi M. M. (B.).
Shërbimet e Policisë, sapo kanë marrë njoftim, kanë shkuar menjëherë në vendngjarje. Janë ngritur pika kontrolli në çdo aks rrugor, si dhe vijon intensivisht krehja e zonës.Ndërkaq, grupi hetimor, në drejtimin e Prokurorisë, po punon për fiksimin e çdo prove që do të bëjë të mundur identifikimin dhe kapjen e autorëve“, njoftoi Policia.
Ende nuk dihet se sa persona kanë marrë pjesë në vrasjen e Martin Bardhit, ndërsa dyshohet se kanë qenë dy persona.
Nga raportimet mësohet se autorët janë larguar me një automjet tip Jeep.
Discussion about this post