Përndjekja dhe më pas ekzekutimi i shqiptarit Marjus Dhiamanti në Greqi nga atentatorët, shton dyshime për vrasës me pagesë.
Autorët të cilët dyshohet se janë shqiptarë, kanë qenë profesionistë, pasi ata kanë lëvizur të qetë pa lënë hapësirë reagimi, ndërsa fakti që pas përfundimit misionit të krimit kanë djegur mjetin e vjedhur që përdornin shton dyshimet se kemi të bëjmë me një atentat të mirëorganizuar, pasi autorët janë përpjekur të fshehin çdo gjurmë.
Nga hetimet e deritanishme “Protothema” shkruan se 37-vjeçari ishte vënë në shënjestër të atentatorëve, të cilëve dyshohej se u kishte më shumë se 200 mijë euro borxh. Autorët ishin profesionistë. Gazeta shkruan se “pas vrasjes duket se fshihet mafia shqiptare, e cila donte të mbyllte llogaritë e hapura me plumba dhe gjithçka që ka të bëjë me trafikun e kokainës në Athinë dhe Mikonos”.
Pista kryesore e hetimit është e shkuara kriminale e viktimës. Në vitin 2010, 37-vjeçari ishte akuzuar për vrasjen e një bashkatdhetari në Kypseli. Mirëpo ai kishte arritur të shpallet i pafajshëm me pretendimin se arma ishte përdorur nga një person tjetër në atë kohë.
Discussion about this post