Mediat greke kanë zbuluar detaje të reja nga ekzekutimi mafioz i Aris Papas mbrëmjen e djeshme në një kafe në qendër të Athinës.
34-vjeçari cilësohej si një nga anëtarët më të njohur të mafies shqiptare, ndërsa pista ku po hetohet është përplasja për larje hesapesh, pasi më parë u kishte shpëtuar tre atentateve.
“Aris” ishte “kontrata e vdekjes” e 13- të e luftës së bandës mafioze shqiptare që shkatërroi qendrën e Athinës që nga viti 2007” shkruan njëra nga mediat greke.
Në 26 shkurt të këtij viti iu bë atentati i fundit, por që shqiptari arriti që të shpëtonte. Dy autorët arritën që të largoheshin me një taksi duke humbur gjurmët.
Por kush qëndronte pas atentatit?
“Hetimi policor zbuloi se drejtuesi 38-vjeçari i njohur si “Mili” dhe 32-vjeçari i njohuri i “Doriani” të cilët janë në kërkim më 26 shkurt 2021 ishin autorët e një përpjekjeje për vrasje që kishte ndodhur në Agios Panteleimon, ku në shënjestër ishte 34-vjeçari “Aris”.
Ata kishin caktuar një takim “ekzekutimi” me viktimën e mundshme përmes bashkëpunëtorit të tyre, një 30-vjeçar me pseudonimin “Landi”.
Ata ishin në një taksi kur qëlluan dhe plagosën objektivin e tyre në këmbë, ndërsa më pas, para policisë në stacionin Larisa, ata zbritën, ikën, duke lënë pistoletën në taksinë e shoferit të tronditur” vijon më tej shkrimi.
Lufta e përgjakshme mes bandave, disa nga krimet ku ishte përfshirë shqiptari sipas grekëve
Vrasje e trefishtë në Kolonos në vitin 2007
Vrasje e dyfishtë në Athinë në 2007
Vrasje në 2008 në Keratsini
Vrasje në një kafene në Keratsini në vitin 2008
Vrasje në vitin 2008, trupi u gjet në një zonë pyjore
Vrasje në vitin 2008 në Athinë
Vrasje e trefishtë në një kafene në 2008 në Agios Panteleimon
10 raste vrasjesh të mbetura në tentativë
