Ekzekutimi i Taulant Beqirit në Vlorë/ Jepet vendimi për autorin, sa vite burg do të vuajë

Është dënuar me 21 vite burg autori i vrasjes së Taulant Beqiraj në Vlorë, ngjarje e ndodhur 1 vit më parë.

Elton Hajnaj u dënua me 2 vite më shumë se sa kishte kërkuar prokuroria për akuzën e vrasjes me dashje dhe “mbajtjes pa leje të armëve të zjarrit”. Hajnaj është akuzuar si autori kryesor që ka shkrepur armën dhe vrarë të riun në rrugën transballkanike.

Gjithashtu dhe 2 shokët e tij Hans Jonuzaj dhe Skerdjan Gabrani ,janë dënuar me nga 6 vite burg secili si përkrahës të autorit të krimit.

Ngjarja

Ngjarja e rëndë ndodhi në 3 mars të vitit të kaluar në rrugën transballkanike në Vlorë. Fillimisht viktima ka shkuar në një lokal dhe ka debatuar me tre autorët teksa njëri prej tyre i ka kërkuar borxhin. Por 31-vjeçari nuk ka pranuar t’ia japë teksa më pas ka degraduar në sharje dhe kërcënime me një armë, të cilën i riu e fshihte në brez. Pas debatit dhe tensionit të krijuar në ambientet e lokalit 31-vjeçari u largua së bashku me dy persona të tjerë, me një makinë me xhama të zinj, prej këtij momenti pas 10 metrash ai mësohet të ketë zbritur nga makina ku është filmuar nga kamerat e sigurisë duke ecur drejt rrugës transballkanike ku edhe ka ndodhur vrasja. Pikërisht në këtë moment 3 autorët më të cilët para pak minutash ai kishte debatuar i kanë dalë pritë, teksa ka qenë njëri prej tyre i cili ka qëlluar me kallashnikov drejt tij duke e lënë të shtrirë në trotuar. Pas breshërisë se kallashnikovit janë dëgjuar edhe të shtëna me pistoletë dhe grupi hetimor ka dyshime se shokët e 31-vjeçarit janë kundërpërgjigjur duke qëlluar 3 herë në drejtim të Fordit. A.L/ gijotina.com