Ekzekutimi i Brilant Martinaj, Diklen Vata dhe Besmir Hoxhës në mbikalimin e Fushë Krujës ka zgjatur vetëm 120 sekonda.
Organizimi i autorëve ishte brenda këtyre 2 minutave, për t’i zënë prite e për të hapur zjarr duke mos iu lënë asnjë mundësi shpëtimi tre shokëve të cilët ndodheshin në makinat e tyre.
Autorët dyshohet se dolën nga mjeti dhe qëlluan përsëri drejt makinës ku ishin 3 viktimat dhe më pas i vendosën flakën dhe u larguan. Policia ende nuk ka ndaluar asnjë person të dyshuar si autor në ngjarje. Ndërkohë, dy mjete janë gjetur të djegura në zona të ndryshme në Fushë-Krujë.
Ngjarja
Dy ditë më parë, tre persona u vranë në një atentat në mbikalimin e Fushë-Krujës. 4 dyshohet se ishin atentatorët të cilët kanë qenë të maskuar, njëri prej tyre drejtues i mjetit i cili më pas u gjet i djegur tërësisht në fshatin Larushkë. Viktimat janë: Brilant Martinaj, Diklon Vata dhe Besmir Hoxha. Vata doli jashtë mjetit po u ekzekutua me breshëri plumbash, dy të tjerët u dogjën brenda mjetit. Tek makina e autorëve, identike me atë të viktimave, janë gjetur 1 armë automatike MP5 dhe 2 kallashnikovë.
Discussion about this post