Ekzekutimi i të riut Xhuljano Bullari në Vlorë pothuajse një muaj më parë është kthyer sërish në skenë. Familjarët e autorit Bledar Selmanajt, kanë kërkuar urdhër-mbrojtje pasi i druhen një hakmarrjeje të mundshme.
Burime për Gijotina.com bëjnë me dije se familjarët e autorit ndër të tjera kanë pretenduar se Selmanaj është i sëmurë mendor dhe se ai ka qenë gjithmonë problematik dhe fakti që ka përmendur shumë emra në gjykatë, sjell rrezik dhe frikë për ta.
“Prej 20 vitesh djali është i sëmurë mendor. Emrat që ai ka thënë nuk i njohim. Duam urdhër mbrojtje, kemi frikë. Deklaratat e tij nuk besoj se janë të vërteta. Nuk e mbroj djalin, por është i sëmurë”, tha nëna e autorit.
Sipas të vëllait të Bledarit, 39-vjeç ari kishte vetëm 15 ditë që kishte dalë nga burgu dhe nuk ka se si të ketë informacion për të gjitha ngjarjet që kanë ndodhur në vend. I vëllai ngre dyshime se Bledari është shtyrë nga persona të tjerë për të nxjerrë emra dhe për të treguar këto ngjarje.
“Nuk kemi pasur konflikte me asnjë. Kemi frikë të dalim nga shtëpia. Jetoj me frikë për ndonjë hakmarrje”, u shpreh i vëllai.
Dinamika e ngjarjes
Askush nuk e priste që zanafilla e atentatit në Vlorë, do të ishte një miqësi e vjetër e autorit Bledar Selmanaj dhe viktimës Xhuljano Bullari. Ortakëria e dy të rinjve ka nisur që nga ambientet e burgut, ku të dy diskutonin për pazare droge, e mesa duket bashkëpunimi ka dështuar, cka u desh që të përdorej armë.
I arrestuari për krimin, Bledar Selmanaj ka dëshmuar në polici se gjithçka nisi për 3 mijë euro drogë, që i riu, tashmë i pajetë, e pagoi me lekë false.Sakaq kujtopjmë se Xhuljan Bullari i cili u vra me plumb në kokë në Babicë të Vlorës, me të dyshuarin Bledar Selmanaj kishte patur miqësi të ngushtë në burg.
Xhuljano u lirua para dy vjetëve kurse Selmanaj më datë 5 të këtij korriku. Të dy jashtë hekurave vendosën të vazhdonin miqësinë dhe të fitonin para me tregtinë e drogës, ka treguar në polici kur u arrestua 39-vjecari. Bëhet fjalë për 100 kg hashash të presuar që Selmanj negocio mes miqve të tij dhe të shokut të burgut. Shitja u bë në Elbasan por pala e viktimës pagoi me para false. Ky ka qenë dhe momenti i krisjes mes miqësisë zënë në qeli. / Gijotina. com /
