Në sitën e hetimeve, Zëdhënësi i Prokurorisë Themelorë në Pejë, Shkodran Nikçi ka shtuar detaje të reja lidhur me vrasjen e dyfishtë që ka ndodhur mbrëmë në Pejë, ku të vrarë kanë mbetur Astrit Ademaj dhe Blerand Kadrijaj, të dy zyrtarë të Partisë Demokratike të Kosovës.
Nikçi ka thënë se personi i cili është përfshirë në vrasjen e mbrëmshme, do të dalë nesër para gjykatësit.
“Njëri nga të plagosurit është ndaluar, kurse prokuroria ka caktuar masën e paraburgimit për 48 orë, nesër do të del para gjykatësit. Po bëhen hetime intensive, janë sekuestruar dy armë, po ashtu gëzhojat që janë gjetur në vendin e ngjarjes”, tha ai për mediat kosovare.
Nikçi tha se personi i cili po mbahet në paraburgim është i dyshuar për vrasje, teksa shtoi se kanë intervistuar edhe persona tjerë lidhur me rastin.
