Një 50-vjeçar është ekzekutuar me armë zjarri pak pas mesnatës në fshatin Bërxullë të Vorës. Viktima është Edmond (Ali) Sula, i cili u qëllua në momentin kur po hynte në banesën e tij.
Krimi ndodhi rreth orës 00:10 të datës 12 korrik. Sipas të dhënave paraprake, autorët e kanë pritur 50 vjeçarin pranë banesës dhe kanë hapur zjarr në drejtim të tij, duke i shkaktuar vdekjen në vend. Pas atentatit, autorët janë larguar nga vendngjarja, pa lënë gjurmë. Menjëherë pas ngjarjes, në zonë mbërritën shërbimet e policisë dhe një grup i posaçëm hetimor, i cili ka nisur punën për zbardhjen e plotë të krimit. Hetimet po drejtohen nga specialistët e sektorit të vrasjeve në Policinë e Shtetit, ndërsa janë sekuestruar kamerat e sigurisë në zonë, me shpresën se pamjet do të ndihmojnë në identifikimin e autorëve dhe dokumentimin e lëvizjeve të tyre para dhe pas ekzekutimit.
Burime nga grupi hetimor bëjnë me dije se 50 vjeçari nuk rezulton me precedentë penalë. Megjithatë, hetuesit po verifikojnë të kaluarën e tij dhe rrethin e njohjeve për të identifikuar motive të mundshme të vrasjes. Një nga pistat që po hetohet lidhet me aktivitetin e mëparshëm të viktimës në fushën e shitblerjes së pronave. Deri tani nuk ka persona të shoqëruar apo të arrestuar, ndërsa policia vijon kontrollet dhe mbledhjen e provave për të identifikuar autorët dhe për të zbardhur rrethanat e kësaj ngjarjeje të rëndë.
Burime nga policia thonë se dyshohet se 50-vjeçari, që njihej edhe si ‘i forti’ i zonës është ekzekutuar nga mbrapa, me një plumb në kokë me një armë me dylbi.
Më datë 12.07.2026, rreth orës 00:10, në fshatin Bërxullë, Vorë, dyshohet se është vrarë me armë zjarri shtetasi E(A). S., rreth 50 vjeç, i cili ka qenë në rrugë, duke lëvizur në këmbë.
Një grup i posaçëm hetimor, nën drejtimin e Prokurorisë, ndodhet në vendngjarje dhe vijon punën për sqarimin e rrethanave të ngjarjes, si dhe për fiksimin e çdo prove që do të ndihmojë në zbardhjen e saj, identifikimin dhe kapjen e autorit/ëve të dyshuar. Shërbimet e Policisë kanë ngritur pika kontrolli dhe po ushtrojnë kontrolle në zonë, me qëllim kapjen e autorit/ëve”, njofton policia.
gijotina.com/
Discussion about this post