Një vrasje e dyfishtë ka ndodhur këtë pasdite në Dukagjin të Shkodrës.
Viktimat mësohet se janë Gjokë dhe Eduard Gurra. Mbrëmjen e kaluar, viktimave iu kanë djegur shtëpinë, persona që nuk janë identifikuar ende.
Ngjarja ka ndodhur në fshatin Bruçaj në njësinë administrative Pult. Gjatë ditës së sotme, viktimat kanë shkuar për të parë banesën e djegur dhe aty persona te paidentifikuar i kanë qëlluar, duke i lënë të vdekur në vend.
Policia vendore e Shkodrës është nisur drejt vendngjarjes ndërsa është e paqartë përse ka ndodhur kjo ngjarje e rëndë.
“Shkodër/Informacion paraprak
Rreth orës 16:40, në fshatin Sumë, Njësia Administrative Pult, në rrethana ende të paqarta janë vrarë me armë zjarri shtetasit Gj. G., 57 vjeç dhe djali i tij, E. G., 31 vjeç, banues në lagjen “Partizani”, Shkodër.
Shërbimet e Policisë dhe Grupi hetimor janë nisur menjëherë për në vendngjarje.
Me mbërritjen e shërbimeve dhe sqarimin e rrethanave të ngjarjes do të japim përsëri njoftim më të detajuar”, njofton policia.
Discussion about this post