Një shqiptar është ekzekutuar me breshëri kallashnikovi natën e djeshme në Shkup të Maqedonisë së Veriut. Sikurse saportojnë mediet fqinje, bëhet fjalë për biznesmenin shqiptar, Kamer Idrizi, 43 vjeç,
Viktimë e këtij sulmi mbeti edhe kushëriri i tij, 22 vjeçar i cili po udhëtonte në të njëjtën makinë me biznesmenin, në zonën e Butel të Shkupit.
Vrasja ndodhi në kryqëzimin e bulevardeve “Bosnjë dhe Hercegovina” dhe “Hristijan Todorovski-Karpos”. Ministria e Brendshme tashmë ka konfirmuar se është qëlluar nga një automjet “Range Rover” drejt mjetit “Golf” në të cilën ndodheshin dy personat. Informacioni është se rreth 80 plumba u qëlluan në drejtim të tyre.
Biznesmeni 43-vjeçar ndërroi jetë në vendngjarje, ndërsa kushëriri i tij u dërgua në urgjencë për të marrë ndihmën e nevojshme mjekësore, por nuk mundi të mbijetonte.
