Dan Hutra, i arrestuar në mars të 2023it, ku vrau 3 gra dhe plagosi 3 të tjera, dyshohet se është i përfshirë edhe në ngjarje të tjera të rënda, po vrasje.
Sipas News24, një grup prokurorrësh dhe OPGJ të Prokurorisë dhe Policisë së Tiranës, kanë marrë në pyetje Hutrën, por ai ka mohuar përfshirjen në ngjarje të tjera.
Nuk dihet ende nëse ndaj Hutrës, grupi hetimor ka dëshmi të ndonjë të penduari, apo nga hetimet e ngjarjeve të vjetra, janë ngritur dyshime për përfshirjen e tij.
Nga raportimet mësohet se gjatë seancs së pyetjeve, Dan Hutra nuk është treguar bashkëpunues dhe ka mohuar përfshirjen në ngjarje kriminale, përtej asaj të marsit.
Dan Hutra është një person me rekorde kriminale, ndërsa rezulton se ka vrarë me thikë, bashkëshorten e tij të parë, ngjarje e ndodhur në Kukës.
Ndërkohë në muajin mars të 2023 ekzekutoi në oborrin e banesës ish-bashkëjetuesen e tij, Elena Hysa, motrën e kësaj të fundit, Mevlute Hysa, 30 vjeç dhe të fejuarën e vëllait të saj, Hasime Dafku.
Discussion about this post