Një shqiptar që dyshohet si vrasës i dyfishtë po përballet me ekstradimin nga Britania e Madhe. Kjo pasi ai hyri fshehurazi në këtë shtet dy herë. Madje arriti të marrë dhe nënshtetësinë me emër të rremë.
Ilirian Zeqaj, 50 vjeç, dyshohet se vrau dy burra në fshatin Cakran në vitin 1999, por u largua drejt Britanisë së Madhe në pjesën e pasme të një kamioni pesë muaj më vonë dhe kërkoi azil me emrin Klemend Zeqaj pasi u kishte thënë zyrtarëve se ishte një refugjat kosovar.
Daly Mail raporton se pavarësisht se ishte një nga personat më të kërkuar në Shqipëri, atij iu dha leja e përhershme për të qëndruar në vitin 2005. Si dhe shtetësia britanike vitin e ardhshëm.
Ai u dënua në mungesë për dy akuza për vrasje në vitin 2002 dhe u dënua me 23 vjet burg, por Zeqaj, i cili ka tre fëmijë më në fund u gjurmua nga policia britanike në vitin 2011 dhe u ekstradua në Shqipëri dy vjet më vonë për t’u përballur me një rigjykim, i cili e liroi atë nga akuzat për vrasjet.
Zeqaj u lirua dhe u kthye menjëherë në Britani, por Gjykata e Lartë e Shqipërisë më vonë zbuloi se gjyqi ishte i korruptuar dhe vendimet e pafajësisë nuk ishin të sigurta.
Që nga shpërngulja në Britani, Zeqaj, i cili jeton në Hanëell, në veri-perëndim të Londrës, ka drejtuar një kompani për pajisje tualetesh, ndërsa tani ai po përballet me rikthimin në vendlindje për t’u përballur me një tjetër gjyq për vrasjen e Gramoz dhe Shkëlqim Llanajt.
Discussion about this post