Janë mbyllur hetimet për Florian Përvathi nga Prokuroria e Lezhës i cili në muajin janar të këtij viti vrau për gjakmarrje Lek Lekgjonaj, vëllai i personit që i vrau babain duke e dërguar për gjykim dosjen penale në ngarkim të 17-vjeçarit.
Ndaj minorenit janë ngritur akuzat “Vrasje për gjakmarrje” dhe “Mbajtja pa leje mbajtja pa leje e armeve dhe municioneve luftarak”. Organi i akuzës ka dalë në rezultatin se i riu e ka kryer krimin me paramendim për gjakmarrje, pasi vëllai i viktimës i kishte vrarë babanë, në vitin 2009, kur ishte vetëm 4-vjeç, ndërsa armën e kishte siguruar në Shkodër rreth 1 vit para ngjarjes.
Dosja penale është hedhur në short dhe brenda disa ditësh do të zhvillohet seanca paraprake gjyqësore në Gjykatën e Lezhës, ndërsa 17-vjeçari vijon të jetë me masën e sigurisë “Arrest në burg” dhe po qëndron në institucionin e vuajtjes së dënimit për të mitur në Kavajë dhe do trajtohet me psikolog.
Mesditën e 24-janarit në fshatin Manati të Lezhës, Florian Përvathi ka ekzekutuar me armë zjarri Lek Lekgjonaj, viktima i cili sapo kishte hyrë me makinë në oborrin e shtëpisë së vëllait të tij. Menjëherë pas krimit të rëndë, ai vetëdorëzua në polici duke treguar dhe motivet e ngjarjes.
Discussion about this post