Një tentativë arratisje është parandaluar nga efektivët e burgjeve në burgun e sigurisë së Lartë në Peqin. Bledar Selmanaj, i dyshuari kryesor për vrasjen e 25-vjeçarit Xhuljano Bullari në Babicë të Vlorës, ka tentuar arratisjen nga ambientet e spitalit të burgut të Qendrës Spitalore Universitare “Nënë Tereza”. Mësohet se, Selmanaj ka tentuar arratisjen në orët e para të mëngjesit të sotëm, në orën 1:20.
Sipas informacioneve, ai dyshohet të ketë prerë 4 hekura dhe ka tentuar që të dalë nga burgu, por është kapur në kohë nga ana e efektivëve të burgut. 39-vjeçari ndodhej në spital që prej shtatorit pasi tentoi vetëvrasjen në qelinë e tij në burgun e Peqinit.
Xhuljano Bullari u ekzekutua brenda makinës së nuses së dajës, tip Fiat Punto me të cilën ishte nisur nga Babrruja drejt Babicës së Madhe në Vlorë. Ai u gjet i vdekur mëngjesin e 21 gushtit 2021, ndërsa familjarët u shprehën të tronditur dhe mohuan mundësitë e një konflikti të djalit të tyre.
Bledar Selmanaj e qëlloi Bullarin me tre plumba, njëri prej të cilëve i preku kokën dhe rezultoi ai më fatali që i mori dhe jetën. Arsyeja se përse Selmanaj qëlloi me shokun e burgut kishte të bënte për paratë e një sasie rreth 100 kg lëndë narkotike kanabis, ndërsa ende sot ai nuk e ka pranuar krimin.
Discussion about this post