Elbasan/ I riu bie nga kati i dytë i banesës, transportohet në gjendje të rëndë

Një 27- vjeçar nga Elbasani ndodhet në gjendje të rëndë shëndetësore pasi ka rënë nga kati i dytë i banesës ku banonte.

Policia bën me dije se ngjarja ka ndodhur mëngjesin e kësaj të hëne në fshatin Kusarth, Elbasan, ku dyshohet se aksidentalisht ka rënë nga kati i dytë i banesës ku banonte, personi i identifikuar me iniciale Xh. Gj., 27 vjeç.

Sipas informacioneve i riu ndodhet në spitalin e Traumës Tiranë në gjendje të rëndë për jetën.

Nuk dihet ende nëse ngjarja ka ndodhur në prani të familjarëve të të riut, të cilët pritet të merren në pyetje për të zbardhur ngjarjen.