Zgjimi. Kështu titullohet edicioni i 19 i Festivalit Ndërkombëtar të Teatrove që nisi në Elbasan. 12 trupa nga Shqipëria, trojet shqiptare, Europa dhe Bota janë pjesmarrës të këtij festival. Në vigjilje të çeljes së këtij edicioni Drejtori i Festivalit, Regjizori Adonis Filipi u shpreh se nga viti në vit ky event dallohet nga profili si një festival i formave të reja me zhvillimet bashkëkohore të festivaleve. Festivali ka edhe kontekstin poetik pasi një sërë shfaqesh janë paraparë që të provokojnë shpirtin poetik dhe garanton interaktivitet. Adonis Filipi gjithashtu nënvizoi se qëllimi i festivalit nuk është synimi të sjellë vetëm trupa, por që nga themelimi i tij e deri më tani të kthehet edhe në një laborator të jetë pjesë përbërëse e edukimit përmes artit.
