Elbasan, po pastronte kanalin vaditës, kryeplaku bie në greminë. Nxirret pas disa orësh me helikopter

Ky është momenti kur ekipet e shpëtimit kanë tentuar të shpëtojnë kryeplakun e fshatit Fushë Buall, Nazmi Boja, i cili ra aksidentalisht nga shkëmbi.

Ekipet e shpëtimit kanë arritur të marrin 56-vjeçarin nga terreni i thepisur malor, por ai ka ndërruar jetë në helikopter duke mos i mbijetuar plagëve të marra.

Ngjarja ka ndodhur rreth orës 10:30, por lokalizimi i tij ishte i vështirë për shkak të terrenit.

Shërbimet e Policisë, zjarrfikësit, alpinistët dhe ekipi i urgjencës kanë shkuar menjëherë në vendin e ngjarjes. Gjithashtu shkoi edhe helikopteri për të bërë të mundur nxjerrjen e 59-vjeçarit.

Për shkak të dëmtimeve Nazmi Boja nuk ka mundur të mbijetojë dhe ka humbur jetën në helikopter.

Njoftimi i policisë: 

Elbasan/Informacion paraprak

Rreth orës 10:30, në terrenin malor të fshatit Fush Bull, shtetasi N. B., 59 vjeç, banues në fshatin Polis, gjatë kohës që ka qenë duke rregulluar kanalin vaditës të fshatit, dyshohet se aksidentalisht ka rrëshkitur.

Shërbimet e Policisë, zjarrfikësit, alpinistët dhe ekipi i urgjencës kanë shkuar menjëherë në vendin e ngjarjes. Për shkak të terrenit ka shkuar edhe helikopteri, për të bërë të mundur nxjerrjen e këtij shtetasi.

Për shkak të dëmtimeve shtetasi N. B. nuk ka mundur të mbijetojë dhe ka humbur jetën në helikopter.

Trupi i pajetë po transportohet në morg, për kryerjen e ekspertizës.

Ndërkaq vijojnë veprimet hetimore për zbardhjen dhe dokumentimin me prova ligjore të rrethanave të rastit.