Projektligji i qeverisë për sorrogacinë dhe abortin ka ngritur në protestë edhe qytetarët e Elbasanit. Me pankarta në duar, ata kundërshtojnë nismën e qeverisë mbi projektligjin për shëndetin seksual dhe riprodhues. Të rinj e të moshuar shprehen se ky projektligj çon në shkatërrimin e shoqërisë dhe ul lindshmëritë e për pasojë edhe zhdukjen e popullit shqiptar.
Të rinj e të moshuar kanë protestuar këtë të hënë në mbrojtje të familjes në qytetin e Elbasanit. Me pankarta në duar ata kundërshtojnë projektligjin e qeverisë për shëndetin seksual dhe riprodhues që pas konsultimit publik pritet të kalojë për diskutim në Parlament. Surrogacia apo bërja nënë duke përdorur mitrën e një gruaje tjetër, ndërprerja e shtatzënisë në moshën të re edhe pa dijeninë e prindit dhe sterilizimit i të rinjve sipas tyre çojnë familjen drejt zhdukjes.
Protesta u iniciua nga shoqëria civile, ndërsa u vu re një pjesëmarrje më e lartë e komunitetit mysliman.
Juristi Gentian Sejrani e përqendroi fjalën e tij ,duke argumentuar efektet që do të ketë surrogacia te vajzat që vijnë nga shtresat në nevojë. Kjo formë e të bërit fëmijë rrit mundësinë e trafikimit të qenieve njerëzore.
Projektligji për shëndetin seksual dhe riprodhues ka përfshirë prej disa ditësh në debat, qytetarë, mjekë e përfaqësues të besimeve fetare, ku këta të fundit janë bërë bashkë kundër këtij ligji që çon drejt zhdukjes shoqërinë shqiptare.
Discussion about this post