Elbasan, të rinjtë bëjnë lëmsh policinë e njëri kapet me drogë

Një 34-vjeçar është arrestuar në Elbasan, pasi u kap me lëndë narkotike.

Shtetasi E. N gjatë kontrollit të policisë ndodhej së bashku me dy persona të tjerë, të cilët po procedohen në gjendje të lirë. Kjo sepse kanë kundërshtuar me forcë policinë.

“Specialistët për Hetimin e Narkotikëve të DVP Elbasan arrestuan në flagrancë shtetasin E. N., 34 vjeç, si dhe referuan materialet në Prokurori ku nisi procedimi në gjendje të lirë për shtetasit K. Sh., 45 vjeç dhe E. D., 39 vjeç.

Të 3 këta shtetas kanë kundërshtuar punonjësit e Policisë, për kryerjen e kontrollove fizike dhe në automjetin me të cilin qarkullonin.

Nga kontrollet, shtetasit të arrestuar iu gjet dhe iu sekuestrua një sasi lënde e dyshuar narkotike cannabis sativa”, njofton policia.