Është arrestuar Ramiz Mici, i cili ditën e djeshme vrau me thikë bashkëjetuesen, Jetlira Elezi në Elbasan.
Sipas bluve, autori Ramiz Mici katër ditë para vrasjes e kishte dhunuar viktimën duke i thyer kështu dhe telefonin. Nga ana tjetër viktima, Jetlira Elezi pavarësisht dhunës së ushtruar nuk ka pranuar të bëjë denoncim në polici.
Sipas njoftimit të policisë, ajo kërkoi t’i plotësohet urdhër mbrojtje në mënyrë që të mos kishin kontakte me njeri-tjetrin. Mici është shoqëruar në ambientet e Komisariatit të Policisë ku iu shpjegua përgjegjësia ligjore dhe pas 10 orë si person i shoqëruar në Komisariat është lënë i lirë.
Ngjarja
37-vjeçari, Ramiz Mici pas një debati të fortë ka qëlluar disa herë me thikë Jetlira Elezin, bashkëjetuesen e tij. Dyshohet se krimi ka ndodhur për shkaqe xhelozie. Sipas burimeve të dy ata po debatonin herët në mëngjes dhe më pas në gjaknxehtësi e sipër Ramizi ka marrë thikën dhe ka goditur Jetlirën, e ndjera ka humbur jetën pas goditjeve të marra nga mjeti prerës.
Discussion about this post