Ka startuar në orën 20:00 në “Elbasan Arena” dueli mes vendasve të trajnerit Bordin dhe Teutës së Edi Martinit. Kjo përballje do të përmbyllë edhe javën e dytë të Superiores.
AF Elbasani vjen në këtë sfidë pas barazimit 1-1 në Korçë ndaj Skënderbeut, ndërkohë që Teuta mposhti në ndeshjen e parë Bylisin me rezultatin 2-1. Të dy ekipet do të kërkojnë të marrin maksimumin nga kjo përballje, me trajnerët që kanë hedhur në fushë, lojtarët më në formë.
Ky duel drejtohet nga arbitrit debutues Daniel Vrapi, i cili për herë të parë vendos drejtësi në një duel të Superiores.
ELBASANI – TEUTA 2-0
Dros 30′, Hila 48′
30′ GOOOOL ELBASANI 1-0/ Shpërthen festa! Vendasit gjejnë avantazhin me mesfushorin Dros që realizon një gol mjaft të bukur me të majtën nga jashtë zonës.
48′ GOOOOL ELBASANI 2-0/ Vendasit në avantazh të dyfishtë! Ardit Hila përfiton nga një gabim i mbrojtësit Marku, pasi udhëheq bukur topin, mesfushori godet saktë duke mposhtur portierin Tafas.
FORMACIONET ZYRTARE:
AF ELBASANI: Totoshi, Lulaj, Qaqi, Musta, Dros, Hasani, Melo, K.Kasa, Lila, Greca, Ze Gomesh. Trajner: R. Bordin
TEUTA: Tafas, Marku, Jazxhi, A.Peposhi, Kotobelli, Beqja, Kruja, Lloci, E.Peposhi, E.Vila, Arifi. Trajner: E.Martini
gijotina.com/
Discussion about this post