Deputeti i Partisë Demokratike, Dashnor Sula ka reaguar në lidhje me deklaratën e bërë në Komisionin e Ligjeve.
Ai deklaroi gjatë komisionit se qarku i Elbasanit është në kufi me Italinë dhe ka dalje në det.
Demokrati pohon se kemi të bëjmë me një keqinterpretim të mediave.
Ai shton se fshati i fundit i Peqinit në kufi me Rrogozhinën, është 10 km larg bregdetit, prandaj edhe e ka thënë dhe se nuk ka probleme me gjeografinë.
“Për ata që nuk e dinë, si bir i asaj krahine dua t’i kujtoj se ai kufizohet me Maqedoninë e Veriut dhe shkon deri në fshatin e fundit të Peqinit në kufi me Rrogozhinën jo më shumë se 10 km larg bregdetit, aktualisht vetëm një prokurori qendrore. Sigurisht ajo që thash se kufizohet me Italinë ishte një hiperbolë e përdorur në komunikim për të kuptuar problematikën reale. Por disa “dashamirës” mediash pranë qeverisë e kanë keqinterpretuar qëllimisht fjalën time dhe e kanë lidhur me dobësi të njohurive gjeografike. I ftoj të mos më qajnë hallin në këtë aspekt”, shkruan Sula.
Discussion about this post