Emiljano Musta është lojtari më i ri i Elbasanit. “Mbrojtësi rikthehet në shtëpi pas një dekade eksperiencë në elitën e futbollit shqiptar”, shkruan klubi në postimin e prezantimit të mbrojtësit të krahut të majtë. 32-vjeçari bashkohet me skuadrën e qytetit të tij të lindjes, por dhe ekipin ku hodhi hapat e para të karrierës.
Anësori i krahut të majtë ishte pjesë e kampionëve të Egnatias deri në janarin e këtij vitit dhe tani te Elbasani e shohin si një lojtarë që u jep garanci për linjën e majtë. Në të shkuarën Musta ka luajtur me Kukësin, Laçin, Partizanin, Teutën, Flamurtarin dhe Shkumbinin. Tani, mbrojtësi kërkon që me eksperiencën e tij, të ndihmojë Elbasanin në paraqitjen sa më të mirë në Superligë.
“Tigrat” rikthehen në eliten e futbollit shqiptar pas shumë vitesh dhe duan që të bëhen faktor që në këtë edicion.
Discussion about this post