Qyteti i Elbasanit ka marrë pamjen e një landfilli, si pasojë e grumbullimeve të mëdha të mbeturinave. Në lagje, rrugë, pranë spitaleve e në pragun e shtëpive, kudo ku hedh këmbën në qytetin e Elbasanit has në pirgje me mbeturina. Edhe pse qyteti është zhytur në plehra prej një jave pasi kompanisë së pastrimit, “Victoria Invest”, i ka përfunduar kontrata me bashkinë, paaftësia e bashkisë për të zgjedhur në kohë kompani të re ka bërë që qyteti të mbetet pa pastruar, duke shkaktuar seriozisht shëndetin e qytetarëve.
Teksa ndodhemi përballë kësaj situate bashkia shfrytëzon rastin të skualifikojë nga gara 2 kompani duke ia lënë në dorë vetëm një kompanie të privilegjuar kontrollin për pastrimin e Elbasanit.
Kompania fituese ALKO-IMPEX General Construcion SHPK do të ketë “privilegj” që e vetme të ketë në dorë shumën marramendëse të nxjerrë nga buxheti i shtetit me vlerë 109,926,522 (njëqind e nëntëmilion e nëntëqind e njëzet e gjashtëmijë e pesëqind e njëzet e dy) lekë pa t.v.sh, për të nxjerrë nga situata e “landfill” Elbasanin.
Tenderi i hapur nëpërmjet “Bashkisë Elbasan”, për pastrimin e Elbasanit, mban numrin e referencës REF-89394-03-09-2021 dhe këtë e vërteton dokumenti i siguruar nga gijotina.com në “Agjencinë e Prokurimit Publik”.
Kryebashkiaku Elbasan Gledian Llatja, ka lëshuar këtë tender me 2 kompani skualifikuese dhe një kompani të privilegjuar, e për këtë arsye, kjo procedurë ka marrë flamur të kuq nga “Open Data”.
Discussion about this post