Elbasani dhe Egnatia barazuan pa gola, në ndeshjen që shkoi për llogari të elitës. Me këtë rezultat, rrogozhinasit renditen në vendin e dytë me 10 pikë, 3 pikë më pak se kryesuesit. Në krahun tjetër, skuadra nga Elbasani pozicionohet në vendin e 3-të me 9 pikë.
Barazim 1-1 mes Teutës dhe Dinamos. Goli i Zabërgjës nuk mjaftoi për mysafirët, pasi Torraj vendosi ekuilibrat.
Durrsakët janë në vendin e gjashtë, ndërsa Dinamo është në vendin e pestë. Takimet e sotme ishin të vlefshme për javën e gjashtë.
Po sot u zhvillua edhe takimi Vllaznia – Bylis. Në “Loro Boriçi” shkodranët regjistruan fitoren e tretë radhazi, pasi mundën Bylisin 2-0.
Të shtunën u luajtën dy ndeshjet e tjera të javës së gjashtë. Derbi i kryeqytetit Partizani – Tirana në “Air Albania “ u mbyll në barazim pa gola 0-0, ndërsa në Korçë Skënderbeu mundi Laçi 2-1.
Discussion about this post