Elbasani vijon të përforcojë organikën për sezonin e ardhshëm që i gjen verdheblutë në Superiore dhe me misionin për të garuar për një vend në katërshen e parë.
Sipas asaj që raportohet në media, Elbasani ka arritur akordin me Harallamb Qaqin.
Mbrojtësi ishte pjesë e Teutës në sezonin e fundit dhe duket se do të nisë një aventurë të re me Elbasanin teksa në kampionatin shqiptar, 30-vjeçari është aktivizuar edhe me skuadra si Laçi, Kukësi dhe Kamza.
Një afrim me peshë ky për verdheblutë me Qaqin që ofron eksperiencë në repartin difensiv, teksa më herët Elbasani ka prezantuar edhe portierin Giuseppe Agostino, Ze Gomes, Esin Hakaj, Endi Halilin, Kron Abdiu, Kristi Qosen, Xhonatan Lajthinë, Emiljano Musta dhe Cristian Dros.
Discussion about this post