Qyteti i Elbasanit është pushtuar nga mbeturinat dhe shkak është bërë përfundimi i kontratës së firmës që merrej me pastrimin e qytetit.
Kjo situatë e cila ka shqetësuar banorët, ka filluar që në datën 24 nëntor, ku lagjet dhe zonat e Elbasanit kanë marrë pamjen e një “landfilli”, pasi mbeturinat janë bërë grumbull dhe nuk është ndërhyrë për pastrimin e tyre për pothuajse dy muaj.
“Të shqetësuar jemi, po, ça të bëjmë ne. Këtu vjen dhe erë e keq dhe nuk duhen lënë me ditë, çdo ditë duhet të hiqen. S’kemi ça të bëjmë ne, është pisllëk i madh për fëmijët dhe për ne. Duhet ta pastrojë Bashkia’, shprehen qytetarët.
Kompanisë “Viktoria Invest” i përfundoi kontrata me Bashkinë e Elbasanit si rrjedhojë 300 punonjësit e saj dhe pastrimi i qytetit kanë ngelur në mëshirë të fatit. Për shkak të situatës së pazakontë qytetarët kërkojnë ndërhyrjen e menjëhershme të institucioneve pasi janë taksapagues të rregullt.
Bashkia e Elbasanit ende nuk ka dhënë një zgjidhje, qytetarët janë në pritje që Agjencia e Prokurimit Publik të përzgjedhë kompaninë e re që do të merret me pastrimin e Elbasanit.
Discussion about this post