Elbasanit/ Zjarr në një banesë në Shtërmaj, humb jetën e moshuara

Një grua e moshuar ka humbur jetën si pasojë e një zjarri që pushtoi banesën e saj. Ngjarja ka ndodhur në Shtërmaj të Elbasanit.

Sipas policisë, “rreth orës 12:40, dyshohet se për shkak një shkëndije elektrike, ka rënë zjarr në banesën e shtetases H. Ç., rreth 75 vjeçe, e cila jetonte vetëm”.

“Për pasojë, shtetasja H. Ç. ka humbur jetën. Shërbimet e Policisë dhe të zjarrfikëses po punojnë për shuarjen e flakëve. Grupi hetimor vijon veprimet në vendngjarje, për sqarimin e rrethanave të rastit”, shton policia.