Një elektriçist teksa ka shkuar që të rregullonte rrjetin elektrik, ka zbuluar një shtëpi kanabisi në Wetern Power në Britani. Menjëherë ai ka lajmëruar policinë, pasi ka zbuluar që banesa përdorej si fabrikë për prodhimin e kanabisit.
Policia mbërriti në vendin e ngjarjes dhe arrestoi një 20-vjeçar shqiptar, i cili ishte fshehur pas derës së banjos. Eduart Shuli u arrestua dhe pas hetimit u deklarua fajtor dhe u dënua me 26 muaj burg, për prodhimin e kanabisit. Në dy dhoma gjumi dhe papafingo kishte gjithsej 124 bimë kanabis të cilat, nëse do të hidheshin në treg do kapnin një vlerën më shumë se 100,000 paund. Kur u mor në pyetje ai tha se një miku i tij e kishte marrë për të punuar si kopshtar për rritjen e kanabisit.
Ai ishte shprehur se do të bënte para të mjaftueshme brenda pak muajsh dhe do të kthehej sërish në Shqipëri. Madje shoku i tij i kishte paguar edhe rrugën prej 5000 paundësh. Shuli insistoi se ai ishte vetëm punëtor dhe jo pronari, por ai u dënua në përfundim pasi sipas gjykatës kishte rol domethënës.
