Beatrix Ramosaj ka lënë mbrëmjen e djeshme shtëpinë e Big Brother Vip Albania. Ajo ishte në nominim sëbashku me partnerin e saj Donad Veshaj dhe moderatoren Einxhel Shkira.
Pas daljes së saj personi që e ka përjetuar më keq sigurisht ka qenë Donaldi, i cili u shpreh se po i vinte shumë çudi që Trixa nuk ishte më dhe se kishte shumë frikë për atë me të cilën do të përballet këngëtarja pas daljes.
“Sa çudi po më duket që s’është Trixa. E vetmja frikë që kam për të është pjesa jashtë, aty e kam mendjen”, u shpreh Donaldi teksa po bisedonte me banorët e tjerë.
Donaldi dhe Trixa nisën një histori dashuri brenda në BBV dhe ka qenë një ndër çiftet më të komentuara në mediat rozë në kohët e fundit.
Kjo vjen edhe për faktin se 26-vjeçari ka qenë i lidhur me moderatoren e njohur Bora Zemani e cila ishte futu në BBV para disa kohësh për t’i bërë surprizë shoqes së saj Semi Jaupajt, por që u takua edhe me Donaldin.
Ky i fundit i dha edhe një puthje, ku të gjithë aluduam se çifti do të kishte një rikthim me njëri-tjetrin pas 6 muajsh ndarje.
Por, pas futjes së Trixës çdo gjë ndryshoi për Donaldin i cili vendosi t’u përgjigjej pozitivisht ndjenjave që këngëtarja kishte për të.
Shpesh lidhja e tyre është komentuar si një lojë brenda BBV, por tashmë na duhet që të presim se si do të vazhdojë jashtë pasi edhe ai të dalë.
Donaldi shikohet si një ndër kandidatët më të fortë për të triumfuar në këtë edicion special në Bigut.
Discussion about this post