Kërkesa e Monikës për të realizuar një këngë për “pilotin e saj të zemrës” nga Elgiti dhe Romeo, është plotësuar. Kantautori ka performuar sot për herë të parë këngën ritmike, të cilën aktorja dhe të gjithë banorët e kanë shijuar dhe kanë kërcyer.
Disa ditë më parë teksa po festonin, Monika po fliste përballë kamerave dhe me një gotë ndër duarsh duke ngritur dolli, iu drejtua këngëtarit Elgit Doda dhe vëllait të Donaldit, Romeo Veshaj.
Lubonja u bëri një kërkesë mjaft të veçantë, që ka të bëjë me krijimin e një kënge për të dhe sigurisht pilotin.
“Mirëmbrëma Elgit, mirëmbrëma dhe ti Romeo. Si jeni në radhë të parë? Besoj që jeni shumë mirë. Tani, kjo gota është për ju, do ta kthej me fund për ju. Por mos harroni qëllimin: këngën për mua. Pra, piloti, shtëpia, trëndafili dhe Monika”, ka thënë ajo teksa ka ngritur dollinë.
Ky moment është publikuar në “Instastory” nga Elgiti, i cili menjëherë e ka marrë për bazë kërkesën e aktores së njohur.
“U kry si këngë”, shkruan këngëtari i njohur, duke e shoqëruar edhe me disa emoji duke qeshur.
Discussion about this post