Këngëtarja shqiptare, Elhaida Dani, i kishte munguar tregut dhe skenës muzikore shqiptare prej kohësh, por më në fund prej saj vijnë lajmet më të mira të mundshme.
Elhaida, kohët e fundit kishte paralajmëruar albumin e saj të radhës dhe sot, me anë të një postimi në Instagram, ajo na ka bërë me dije se këngët e reja i ka publikuar në faqen e saj të YouTube-it.
Me videoklipe mjaft artistike dhe me këngë mjaft të ndjera, albumi pritet të kthehet në një hit si të gjithë produktet muzikore që këngëtarja ka nxjer në të shkuarën.
Artistja ka planifikuar çdo gjë deri në detaje, ndërsa ka ftuar dhe një nga anëtaret e jurisë të “The Voice of Italy”, Riccardo Cocciante, në Teatri Kombëtar të Operas dhe Baletit për të qenë pjesë e koncertit të sotëm ku promovon albumin e saj.
Elhaida Dani, njihet më tepër për pjesëmarrjen e saj në “The Voice of Italy”, ku edhe doli fituese. Ajo mahniti me zërin e saj jo vetëm shqiptarët por edhe italianët. Projekti i dytë i saj më i madh ishte “Eurovisioni”, ku ajo përfaqësoi Shqipërinë me këngën “I’m Alive” dhe u rendit e 17-ta me 34 pikë. /O.B/ Gijotina.com
