Eliminatoret e Euro 2025, Bushi zbulon listën e kuqezinjve U 21

Shqipëria U21 do të rikthehet në fushë në muajin mars për të zhvilluar dy ndeshjet e radhës eliminatore të Europianit të kësaj grupmoshe.

Shpresat e drejtuara nga Alban Bushi do të përballen me Finlandën dhe Zvicrën, përkatësisht më 22 dhe 26 mars, në stadiumin “Air Albania”, teksa trajneri ka publikuar edhe listën e futbollistëve që do të grumbullojë për këto dy takime.

Shpresat kuqezi mbajnë aktualisht vendin e tretë në renditje dhe janë plotësisht në garë për t’u kualifikuar në Europianin U21, ndaj për këtë arsye ndeshjet e marsit marrin një rëndësi edhe më të madhe.