Rreth dy muaj pas arrestimit të ish-drejtoreshës së Postës së Durrësit, Elisabeta Mataj, bashkëshorti i saj, Fetah Mataj, është emëruar përgjegjës i sektorit urban në ndërmarrjen bashkiake të pastrim gjelbërimit në Durrës.
Fetah Mataj, i cili punon prej 11 vitesh në këtë ndërmarrje është caktuar së fundmi si përgjegjës i sektorit të mbetjeve urbane.
Sipas hetimeve të Prokurorisë dhe Policisë, drejtoresha e Postës së Durrësit Elisabeta Mataj, shefja e financës Valbona Hoti Duni dhe arkëtarja Paola Dana, dyshohet se gjatë muajve prill dhe maj 2026 nuk kanë arkëtuar në degët Shijak dhe Krujë shumën prej 69 milionë lekësh të rinj.
Discussion about this post