Juventusi mund të konsiderohet pa të voglin dyshim si një nga klubet më emblematike, jo vetëm në shkollën “e vjetër” të futbollit italian, por edhe në kontinentin e vjetër.
Përpos sukseseve, dështimeve, disfatave dhe ringritjeve në etapa të ndryshme, vlen të ceket se një pjesë e konsiderueshme e kësaj “torte” i përket familjes Anjeli, e cila kurorëzon 100-vjetorin e pronësisë.
Edhe pse Andrea Anjeli si personazh me tepër influencë vizive në kampin e “zonjës së vjetër” u largua nga detyra nëpërmjet prapaskenave të errëta, e përkthyer me tërheqjen nga posti të shefit të rekordmenëve në triumfin e Serisë A dhe heqje lire.
Xhon Elkan, si një personazh i tërthortë i familjes Anjeli, pra nip, përzgjodhi me delikatesë fjalët për të përshkruar këtë etapë 1-shekullore.
PËRKUSHTIMI
”Ekziston një fije e hekurt besimi që ka bashkuar familjen tonë me Juventusin gjatë këtyre njëqind viteve, një dashuri e brendshme, sepse janë të lidhura me momente të jetës familjare dhe kujtime të pashlyeshme.
Ashtu siç thoshte gjyshi im, Juventusi do të thotë rini. Rinia do të thotë të jesh i projektuar drejt së ardhmes. E kaluara e tyre është plot lavdi, por me mbiemrin që ata mbajnë, ne duhet të shikojmë nga e ardhmja.
Ne punojmë me përulësi dhe përpiqemi të gëzojmë miliona zemra të tifozëve ‘zonjës së vjetër’”, tha me nota të larta emocionale 47-vjeçari.
KLASI I LARTË
”Ka nga ata që mendojnë se Juvja është problemi i futbollit italian. Megjithatë, unë kam mjaft argumente të volitshme për të hedhur poshtë këtë hipotezë të rreme.
Është fakt se Juventusi e ka ngritur futbollin vendës në një nivel tjetër, si në rang klubesh ashtu edhe në kontribut te kombëtarja.
Sa shumë lojtarë me peshë dhe vizion të paarritshëm në futboll kanë djersitur fanellën historike të Juves”.
INVESTIME
”E kemi demonstruar se edhe në periudhat të vështira kemi kryer operacione të shtrenjta në përmirësimin e grupit me futbollistë të rëndësishëm për kohën.
Liga vendëse nuk duhet t’i shikojë gjërat drejt vetëm kur i intereson.
Kemi shpenzuar gati gjysmë miliardi në vitet e fundit për sa i përket tregut të transferimeve. Këtë nuk e them unë, e pohojnë statistikat”.
ZGJIDHJA
”Në këtë hapësirë të gjatë pronësie kemi kaluar pika kritike, por gjithmonë i kemi dalë zot dhe me kokën lart.
E njëjta gjë ka për të ndodhur edhe me skenarët e fundit.
Mjafton të përmendim rastin kur ekipin e drejtonte Trapatoni në vitet ‘80 mes vështirësive dhe ne ia dolëm.
Kristano Xhuntoli po sjell dhe rrit në ekip kampion të së ardhmes. Me të do të shkojmë aty ku e kemi vendin, te titujt”, përfundoi Xhon Elkan.
Discussion about this post