Mbrëmjen e së enjtes Elvana Gjata dha koncertin e saj në “Air Albania”. Ndërkohë mëngjesin e së shtunës në podcastin “Flasim” të kryeministrit Edi Rama ajo kishte treguar disa detaje nga jeta e saj.
Këngëtarja tregon se fillimi për të nuk ka qenë aspak i lehtë. Kur ajo zbuloi talentin e saj për muzikën, duket se prindërit nuk i kishte në anën e saj.
“Kam lindur në Tiranë, babai im ishte ushtarak, mamaja infermiere. Kam një motër soprano që punon e jeton në Gjermani. Mami e babi në fillim nuk kanë dashur që të këndoj sepse ishte një vajzë e madhe që ishte këngëtare dhe më shihnin në një profesion tjetër për një të ardhme më të sigurtë.
Mami nuk ka dashur në fillimet e mia, e kam nisur pa lejen e prindërve. Natë e festivalit i kam thënë mamit e babit ejani më shikoni. Kisha ndihmën e xhaxhait. Motra ime më ka mbështetur gjithmonë”, tha Elvana Gjata.
Discussion about this post